Ginkilig ang mga fans sa surprise reunion sang Destiny’s Child sa final leg sang “Cowboy Carter” tour ni Beyoncé sa Las Vegas, Nevada.
Sa Instagram, ginpakigbahin ni Beyoncé ang picture niya upod sa kaangay nga band members nga sanday Kelly Rowland kag Michelle Williams.
Wala sang ginbutang nga caption si Queen B apang sa picture, makit-an nga all smiles sila sa ila matahom nga gold outfits.
Kalakip sa mga nag-react sa post amo si Catriona Gray nga nag-comment sang tatlo ka crying emojis samtang nagapabutyag sang kalipay sa emotional reunion.
Sang 2018, nag-reunite ang grupo sang naghimo sang surprise appearance sanday Michelle kag Kelly sa Coachella performance ni Beyoncé.
Ang Destiny’s Child ang sikat nga girl group nga naporma sang 1990. Sila ang kilala sa ila hit songs kaangay sang “Survivor,” “Say My Name,” “Brown Eyes,” kag madamo pa.
