-- ADVERTISEMENT --
Ginpahayag ni US President Donald Trump nga nagkasugot na ang mga leader sang Thailand kag Cambodia nga istoryahan ang ceasefire, matapos ang tatlo ka adlaw nga pagbayluhanay sang atake nga gintunaan sang kamatayon sang masobra 30 ka mga persona kag pag-evacuate sang masobra 130,000 ka mga persona.
Suno kay Trump, gin-istorya sini ang pinuno sang duha ka pungsod kag ginpaandaman nga indi sila makaangkon sang trade deal sa Amerika kun magapadayon ang gyera.
Suno kay Thailand Acting Prime Minister Phumtham Wechayachai, nagakompormi sila sa prinsipyo sang ceasefire apang luyag nila ang sincero nga tikang nagikan sa Cambodia.
Kadungan sini, ginhingyo man sini kay Trump nga engganyuhon ang Cambodia nga gilayon nga magpasugot sa bilateral talks.
