Padayon ang panawagan sang mga manunudlo para sa dugang nga sweldo.
Sa interview sang Bombo Radyo Bacolod kay Grace Abellar, secretary general sang Alliance of Concerned Teachers – Negros Occidental, ginalauman nila nga mahatagan sang pagtamod sang presidente ang madugay na nila nga panawagan sang desente nga sweldo.
Suno diri, nagsaka na ang presyo sang mga balaklon kag ang sweldo sang mga manunudlo kun kaisa ginabuhinan pa nila para sa mga kinahanglanon sa ila mga classrooms.
Pahayag ni Abellar, indi basta-basta nga mahambal lang nga bag-ohon ang mindset bangod ang kalamidad normal nga naeksperyensyahan.
Apang kun indi man madayon nga malakip sa SONA sang presidente ang ila panawagan, ginlauman na lang nila nga matun-an na ang bill nga ginfile nila para sa increase sang sweldo sang mga manunudlo.
