Wala pa ginpapauli ang mga evacuees sa tagsa nila ka mga puluy-an apisar nga nagnubo ang Alert Level status sang Bulkan Kanlaon.
Madumduman nga sang Martes ginpanaog na sa Alert Level 2 gikan sa Alert Level 3 ang Bulkan Kanlaon.
Sa interview sang Bombo Radyo Bacolod kay La Castellana Mayor Añejo Nicor wala pa sila sang ginpapauli bangud may yara pa sila sang meeting ang Disaster Risk Reduction Management Office kag ang incident management team kag subong pa nga adlaw sila makadesisyon sa pagbalik sang mga residente sa ila mga lugar.
Suno kay Añejo, siguruhon danay nila ang mga puluy-an sang mga residente bangud pito ka bulan sila nga wala nakapauli.
Sa karun ang mga evacuees ang yara sa 471 families ukon 1,548 individuals ang ginalantaw nga subong pa nga adlaw sila papaulion.
