Nag-abot na sa Jeddah, Saudi Arabia ang Gilas Pilipinas pila ka adlaw antes ang FIBA Asia Cup.
Ini ang ginpakigbahin sang Samahang Basketbol ng Pilipinas sa ila social media accounts.
Kalakip sa mga players amo sanday Calvin Oftana, Carl Tamayo, CJ Perez, Scottie Thompson, Dwight Ramos, Jamie Malonzo, Chris Newsome, Kevin Quiambao, AJ Edu, Japeth Aguilar, June Mar Fajardo, kag Justin Brownlee.
Makita man sa picture si Gilas Pilipinas head coach Tim Cone upod sa iya deputies nga sanday Jong Uichico, Richard Del Rosario, kag Sean Chambers.
Pagasuguran sang Pilipinas ang ila kampanya sa Agosto 6 batok sa Chinese Taipei antes atubangon ang New Zealand sa Agosto 7.
Ang Iraq ang mangin katapusan nga assignment sang Pilipinas sa group stage sa Agosto 9.
