Nagpaandam ang Armed Forces of the Philippines (AFP) sa publiko nga maghalong batok sa disinformation campaigns may kaangtanan sa West Philippine Sea (WPS) kalakip na ang pagpalapta sang mga daan nga videos nga ginapaggwa nga may bag-o nga komprontasyon sa Ayungin Shoal.
Ini ang gintawag sang militar bilang “deliberate attempt” sa pagpatalang sa mga Filipino nga may bag-o nga hitabo sa tunga sang mga barko sang China nga yara sa WPS.
Sang damlang lang, nagwa ang isa ka daan nga FB video kun sa diin ginatabog sang China ang BRP Sierra Madre sa Ayungin Shoal kun sa diin ini ang natabo sang nagligad pa nga tuig.
Sa pihak sini, padayon ang padepensa sang AFP sa soberanya kag jurisdiction sang Pilipinas.
Nagpanugyan man ang ahensya sa publiko nga hibaluon ang matuod kag i-verify ang mga impormasyon nga makita kag mabasahan online.
