Mga evacuees sa La Castellana, nakapauli na magluwas sa mga nagapuyo sa 4km permanent danger zone sang Bulkan Kanlaon

Ginkumpirmar sang alkalde sa banwa sang La Castellana, Negros Occidental nga nakapauli na halos tanan nga mga Kanlaon evacuees.

Sa interview sang Bombo Radyo Bacolod kay La Castellana Mayor Añejo Nicor, nakapauli na ang mga evacuees magluwas nalang sa mga residente nga nagapuyo sa sulod sang 4 Kilometers permanent Danger Zone.

Suno kay Nicor, problema sang mga nagbalik nga mga residente sa ila nga mga puluy-an amo ang pang adlaw adlaw.

Nagapati man ini nga ang provincial government sang Negros Occidental ang magabulig man sa mga apektado nga residente sang banwa.

Sila sa Local Government Unit ang dako ang pagpasalamat nga nagnubo na sa alert level 2 ang status sang Bulkan Kanlaon.