Ginapreparar na sang Kabankalan City Social Welfare and Development Office ang bulig nga ihatag sa mga nabiktima sang buhawi sa Barangay Bantayan, Kabankalan City, Negros Occidental.
Sa interview sang Bombo Radyo Bacolod kay Kabankalan City Social Welfare and Development Office Head Cyril Ramos, mandato sa mga ini nga mabuligan nga magbalik sa normal nga pagpangabuhi ang mga biktima nga naapektuhan ang balay bangud sa buhawi.
Suno kay Ramos, ginahulat pa nila ang final report sang Kabankalan CDRRMO kun pila ang partially kag totally damage nga mga balay.
Ginpahayag man sini nga ginmando man sang alkalde sang ciudad ang paghatag sang bulig sa mga apektado.
Nakahanda naman ang warehouse sang Regional Office sa paghatag sang mga foodpacks kag iban pa ka kits nga ihatag sa mga apektado kun makabaton na sila sang updated report nagikan sa Kabankalan CDRRMO.
