-- ADVERTISEMENT --
Natapos na ang lima ka adlaw nga state visit ni President Ferdinand “Bongbong” Marcos Jr. sa India kun sa diin nagpauli ini sang 500 million dollars ukon P28.38 billion nga balor sang direct investment pledges.
Antes nagpauli, nakighinun-anon pa ang Presidente sa pila ka dalagko nga mga kumpaniya sa Bengaluru, India agud pasanyugon pa ang connection sa mga sektor sang teknolohiya, health kag renewable energy.
Nalakip na diri ang Hinduja Group kun sa diin gintalakay ang pagpalapad sang pagpakig-angot sa patag sang information technology, business process management ukon IT-BPM.
Kapin 22 ka tuig na nga naga-operate sa Pilipinas ang Hinduja Global Solutions kag ginakilala bilang pioneer sa IT-BPM industry.
