Ginpahayag sang kilala nga abogado sa ciudad sang Bacolod nga basahon pa lang ang tanan nga charges batok kay former President Rodrigo Duterte bangod ang proper nga trial maga-umpisa sa Setyembr 23.
Sa interview sang Bombo Radyo kay Atty Jomax Ortiz, humalin sang na-establishar ang International Criminal Court si Duterte lamang ang halin sa South East Asia nga gindala sa ICC kag siya lamang ang may 43 counts sa crimes against humanties nga amo ang pinakamadamo nga narekord sa ICC.
Suno sa abogado, ang krimen nga ginpasaka kay Duterte ang halin pa sang siya nagapungko bilang alkalde sang Davao city tubtob nga nangin presidente
Pahayag ni Ortiz, confirmation of charges pa lamang ang matabo kun sa diin basahon pa lamang ang tanan nga charge batok kay Duterte kag ini tuman ka lawig bangod madamo sang akusasyon sa iya.
Pagatiponon pa lamang ang tanan nga testimonials, charges kag affidavit sang mga testigo batok sa anay presidente.
