Ginbuyagyag ni President Ferdinand “Bongbong” Marcos Jr. ang pila ka mga findings sa ginpatigayon nga imbestigasyon may kaangtanan sa kontrobersyal nga flood control projects.
Suno kay Marcos, 20 percent sang kabug-usan nga P545.64 billion peso flood control projects ang nagkadto lamang sa 15 ka mga contractors.
Lima sa mga ini ang may yara sang mga proyekto sa halos tanan nga rehiyon sa pungsod.
Suno pa diri, kapin 6,021 ka flood control projects ang wala sang specifications kag ang iban ang nadiskubrehan nga palarehos lamang ang balor.
Suno sa Presidente, imposible nga mangin magkaangay ang nasambit nga mga proyekto.
Bangud diri, ginsaway man sini ang wala nagaangot nga flood control projects sa mga probinsya nga masami nga ginabaha kag gintawag nga makahalangawa ang resulta sang imbestigasyon.
