PBBM, naglunsyar sang sumbongsapangulo.ph website para sa mga reports angot sa anomalya sa mga flood control projects

Ginlunsyar ni President Ferdinand “Bongbong” Marcos Jr. ang sumbongsapangulo.ph website, kun sa diin sarang nga mareport sang mga pumuluyo ang mga anomaliya sa flood control projects sa ila tagsa-tagsa ka mga lugar.

Pasalig sang Presidente nga siya mismo ang magabasa sang mga reklamo nga ipadala paagi sa website.

Ginhangkat sini ang publiko nga makigbahin sa kampanya sang gobyerno nga batuan ang mga korapsyon kag untaton na ang mga palpak kag ghost flood control projects.

Suno kay Marcos, dapat nga matinluan ang gobyerno nagikan sa korapsyon.

Aminado man ini nga posible nga siya ang may masugata, mangin ang mga tawo nga malapit sa iya, apang mas mabug-at sa gihapon sa iya tagipusion ang mga pumuluyo gani amu ni ang iya unahon.