Ginpahayag sang assistant regional director sang Department of Public Works and Highways (DPWH)-Negros Island Region nga nagmeeting sila kahapon agud nga madiskusyunan ang angot sa proyekto nga gin-ubra humalin sang 2022 tubtob 2025.
Sa interview sang Bombo Radyo Bacolod kay Engineer Rodney Gustilo, ang meeting ang ginpatigayon agud nga ma-assess ang mga nahimo nga proyekto agud nga may isabat ang mga ini sa pamangkot sang publiko nga ginpadangat kay President Ferdinand “Bongbong” Marcos Jr.
Suno kay Gustilo ang mga contractors sa mga proyekto ang nagsunod sa proseso kag ang mga ginpatigayon nga mga bidding process ang gina-live sa social media agud mangin transparent sa publiko kag nasanto man sa ila nga guidelines.
Nakapasa naman sila sang report sa national office sa mga proyekto kag ila man nakita nga wala man sang problema sa mga contractors kag wala man sang mga ghosts projects bug-os nga rehiyon.
