Ginpahayag sang public information officer sang Police Regional Office – Negros Island Region nga may yara sang kaso ang isa sa tatlo ka mga bangkay nga nasapwan sa ciudad sang Talisay, Negros Occidental sang Agosto 11.
Sa interview sang Bombo Radyo Bacolod kay Police Regional Office – Negros Island Region Spokesperson Police Lt.Col. Joem Malong, santo sa nakuha sini kay Police Lt Col. Alvin Christopher Baybayan, Officer-in-Charge sang Talisay City Police Station nga ang biktima ang ginkilala nga si Mars Relles, 48-anyos, residente sang Purok Pedring, Barangay Estefania sa ciudad sang Bacolod.
Suno kay Malong santo sa nakuha sini nga impormasyon ang biktima ang nakaagi preso sang napulo ka tuig sa kaso nga murder kag paglapas sa Republic Act 10591 ukon Comprehensive Firearms and Ammunition Regulation Act.
Suno diri, ang biktima ang nakagwa sadtong 2023.
Samtang, nangin biktima naman si Relles sang Marso 2025 sa isa ka stabbing incident ukon pagpamuno sa Brgy. Estefania sa ciudad sang Bacolod.
Sa karun nagapadayon pa ang imbestigasyon sang mga kapulisan sa pagkasapo sang tatlo ka mga bangkay sa ciudad sang Talisay agud matumod ang motibo sa pagpatay sa mga biktima.
Samtang napasa naman ang requests sang pagtukod ang PRO-NIR sang Special Investigation Task Group (SITG) para sa imbestigasyon agud nga masolbar ang kaso.
