-- ADVERTISEMENT --
Nakabaton sang masobra 1,000 nga mga reports nagikan sa publiko ang ginlunsyar nga “Sumbong sa Pangulo” website.
Suno kay Palace Press Officer Undersecretary Claire Castro, humalin Agosto 11 tubtob 13, may yara sang nabaton ang website sang Presidente nga 1,148 reports, 823 feedbacks kag 84,892 views.
Sang Lunes, ginlunsyar ni President Ferdinand “Bongbong” Marcos Jr. ang nasambit nga website bilang kabahin sang imbestigasyon sang gobyerno sa mga kontrobersyal nga flood control projects sa pungsod nga nagresulta sang lapnagon nga pagbaha sa madamo nga lugar sa pungsod.
Sa nasambit nga websites, sarang nga makapadala sang mga pictures kag videos sang sitwasyon sang flood control projects sa ila mga lugar.
