Pabor ang duha ka mga Senador sa proposal ni Minority Leader Vicente Sotto III nga magpaidalom sa random drug test ang Senate officials kag staff.
Ini ang ginduso ni Sotto matapos ang report sang ginaalegar paggamit sang marijuana sang staff ni Senator Robin Padilla nga si Nadia Montenegro sa sulod mismo sang Senado.
Suno kay Senador Juan Miguel Zubiri nga sa Lunes, Agosto 18, magapaidalom ini kag ang iya mga staff sa drug test.
Dugang pa ni Zubiri nga bukas ini nga magpaidalom sa follicle drug test.
Samtang, nagpahayag man sang iya suporta kay Sotto si Senate Majority Leader Joel Villanueva kag handa ini sa ano man nga sahi sang drug test.
Nagapati siya nga ang nasambit nga inisyatibo ang magapakita sang commitment sang mga opisyal nga ipabilin sang integredad sang institusyon.
