Mangingisda, isa na nga makabakal sang P20 per kilo nga bugas

Nalakip na ang mga mangingisda sa listahan sa makabakal sang P20 per kilo sang bugas.

Sa press statement, gin-anunsyar sang Department of Agriculture (DA) nga mahimo na makabakal sang P20 nga kilo sang bugas ang mga mangingisda kag magasugod sa Agosto 29.

Suno sa ahensya nga magasugod sila sa pagbaligya sa mga fish port.

Madumduman nga una na nga ginlimitahan ang mga benepisyaryo sang nasambit nga rice program sa senior citizens, persons with disabilities, solo parents kag indigents.

Sa karon, nagdangat na sa masobra 160 ka mga lugar sa Pilipinas ang nagabaligya sang P20 nga kilo sang bugas.