Opisyal na nga ginpatigayon sang House Committee on Appropriations ang deliberasyon sang proposed P6.793 trillion national budget para sa 2026.
Suno kay House Speaker Martin Romualdez, kaangay sang kada balay sang mga Filipino nga nagaplano sang ila budget sang maayo, dapat nga siguruhon nga ang kada piso ang magaserbi sang maayo nga tinutuyo kag ang kada gastuhon ang may benepisyo sa mga tawo.
Yara man sa budget briefing nanday Budget Secretary Amenah Pangandaman, Economic Planning Secretary Arsenio Balisacan Jr., kag Finance Secretary Ralph Recto.
Suno kay President Ferdinand Marcos Jr., indi sini pagpermahan ang national budget agud mangin layi kun wala ini nagasanto sa mga programa sang administrasyon.
Suno kay Romualdez, padalman sang mga mamalidha ang spending plan apang ila man ginakonsiderar ang Executive branch, nga amu ang nagdihon sang proposed budget, bilang isa ka kaalyado.
