Nagfile si Senator Robin Padilla sang hagna nga nagamando sa tanan nga public officials lakip na ang Presidente sang Pilipinas nga magpaidalum sa annual mandatory drug testing.
Ang pagfile sang Senador sang hagna ang kadungan sang pagresign ni Nadia Montenegro bilang political affairs officer VI sa iya opisina.
Sa idalum sang Senate Bill No. 1200 ukon ang Drug-Free Government Act, nga may tinutuyo nga amyendahan ang Republic Act 9165 ukon Comprehensive Dangerous Drugs Act of 2002, iga-obligar nga makaangkon sang annual hair follicle drug test para sa tanan nga yara sa gobyerno, humalin sa lokal nga opisyal tubtob sa mga gintalana sa mga government-owned kag controlled corporations.
Magluwas sa annual drug test, ginahangkat man ang mga kandidato nga magpaidalum sa voluntary random drug testing sa sulod sang 90 ka adlaw antes ang Eleksyon.
