Lauman nga i-evacuate sa masunod nga mga semana ang 30 tubtob 50 ka mga bata nga Palestinian nga may balatian ukon pilason nagikan sa Gaza padulong sa United Kingdom agud magbaton sang medical attention.
Ini ang labing una nga kahigayunan nga magadala ang UK sang mga kabataan nga Palestinian sa idalum sang isa ka opisyal nga operasyon sang gobyerno, sa koordinasyon sang Foreign Office, Home Office, kag Department of Health.
Ang pagpili sa mga kabataan ang patigayunon sang World Health Organization kag pagaupdan sila sang ila mga himata agud mag-alalay kun sa diin patigayunon ang biometric screening.
Ang ini nga tikang ang kasunod sang panawagan sang 96 ka miyembro sang parliament nagikan sa nagkalain-lain nga partido nga gilayon nga buligan ang mga bata nga nagakinahanglan sang medikal nga atensyon.
