Nakahunong na sa Bacolod Police Station 4 ang isa ka lalaki nga ginkastigo sang iya kaingod matapos nga hungod nagsunog sang foam sa sulod sang balay sini sa Purok 42, Bayanihan, Barangay Villamonte, Bacolod City.
Sa interview sang Bombo Radyo Bacolod kay Police Lt. Annabelle Duca Abalayan, deputy station commander sang Bacolod Police Station 4, ginturn-over sang mga residente ang suspek kahapon sang kaagahon sa nasambit nga police station matapos nga madakpan nila ini kag masaputihan bangud ginsunog sini ang kaugalingon nga foam.
Suno kay Abalayan makaduha na niya ini nga ginhimo apang sang una nga gintuyo man sini nga sunugon ang balay wala sang may nakadakop sa iya.
Indi man maathag ang rason kung ngaa ginsunog sang suspek ang foam sini sa sulod sang iya balay.
Ang lalaki wala man sang record sa police station kag pamilyado apang wala man nagaupod sa iya ang asawa sini kag apat ka mga kabataan.
