Ginpahayag sang chairman sang board of directors sang Bacolod City Water District nga nagapakita lamang wala ginarespeto ni anay General Manager Mona Dia Jardin ang Board of Directors matapos nga nagpabilin pa ini sa pwesto.
Ini ang apisar nga gindeklarar na sang mga ini nag-expire na ang termino ni Jardin bilang General Manager sang BACIWA.
Sa interview sang Bombo Radyo Bacolod kay Atty. Sonya Verdeflor, ang desisyon sang board nga magpagwa sang resolusyon nga ideklarar nga nag-expire na ang termino sini sa grounds nga “loss of confidence” ang nasanto sa ruling sang korte suprema.
Suno kay Verdeflor, nagsulat sa ila si Jardin nga indi ini maghalin sa iya nga pwesto gani magapadala sila sang sulat sa Local Water Utilities Administration (LWUA) agud nga ini na ang magadesisyon angot diri.
Ginpakilala na bilang acting General Manager sang BACIWA si Engineer Mike Soliva sa flag ceremony kaina sang aga.
Dugang pa sini nga gin-abisuhan na sini si Soliva nga siguruhon nga smooth ang transistion.
Suno pa diri, si Soliva na ang kilalahon sang board nga general manager kag nagsulat naman ang board sang BACIWA sa bangko para sa change of signatories.
Aminado man ini nga madamo sang dapat solbaron nga problema ang BACIWA.
