Nagcourtesy call si Filipino boxing icon kag former Senator Manny Pacquiao kay President Ferdinand “Bongbong” Marcos Jr. sa Malacañang Palace kahapon.
Suno kay Pacquiao nangayo ini sang suporta halin sa presidente para sa nagahilapit nga 50th anniversary sang “Thrilla in Manila” sa Oktubre.
Suno diri, ginpresent niya ang iya WBC belt kag boxing gloves nga iya ginhatag sa presidente.
Nangayo si Pacquiao sang suporta halin sa mga ahensya sang gobyerno para sa selebrasyon sang 50th anniversary sang ‘Thrilla in Manila.
Ginkilala bilang isa sa greatest heavyweight boxing matches sa history ang match sa tunga sang boxing legends nga sanday Muhammad Ali kag Joe Frazier nga ginpatigayon sang Oktubre 1, 1975 sa Araneta Coliseum sa Quezon City nga amo ang ila third kag final boxing match.
Ang boxing match natabo sa idalum sang administrasyon sang amay sang Presidente nga si former president Ferdinand Marcos Sr.
