Ginatos nga mga kababainhan nga nagasuksok sang pink ang nagprotesta sa Jakarta, Indonesia sang Miyerkules bilang pagpamatok sa violence sang kapulisan kag mga nagalumapaw nga benepisyo sang mga mamalidha.
Dala sang mga ini ang mga silhig, nga nagasimbolo sang panawagan nga silhigon ang higko sang estado kag pauntaton ang pwersa sang seguridad.
Dala man sang mga ini ang mga placard nga may mensahe kaangay sang “Reform the police” kag “Your sweet promises cause diabetes”.
Suno sa Alliance of Indonesian Women, tinutuyo ang rally-protest nga ipakita nga ang kalabanan sa mga rally ang malinong.
Madumduman nga nagsugod ang mga protesta sa pungsod matapos mabungguan sang police vehicle ang isa ka food delivery moto-driver sang tinalikdan nga semana, nga gintunaan sang mas malapad nga rally-protest sa bilog nga pungsod.
