May mga tawo nga mahuyugon magpabutang sang tattoo apang kun ini ang ibutang sa mga sapat kaangay sang ido lain na ini nga estorya.
Sa Shanghai, China, ginpakamalaot san mga animal lover ang mga litrato sang isa ka hairless dog nga may tattoo sa likod sini.
Ang ido ang isa sa mga ginbida sa 27th Asian Pet Show.
Ginpadayaw pa sang tag-iya ang ido sini nga isa ka Mexican hairless dog kag ang Yakuza-style tattoo.
Suno sa iya, indi na kinahanglan sang anesthesia sang ido bangud may mataas ini nga tolerance sa sakit.
Ang insidente ang ginkaakig sang madamo nga mga animal lover.
Mas nangin kontrobersya sang nagwa ang report nga ginaalegar nagtanyag pa ang tag-iya sang serbisyo sa pag-tattoo sa iban nga mga ido sa balor nga 2,000 tubtob 3,000 yuan ukon P16,000 tubtob P24,000.
Ang insidente nangin palaagyan sang isa ka seryoso nga paghinun-anon nahanungod sa animal welfare kag ang limitasyon sa pag-treat sa mga pets nga indi dapat paghimuon nga dekorasyon.
