Arestado ang 38 anyos nga lalaki, matapos makuhaan sang halos P400,000 nga balor sang suspected shabu sa drug buybust operation sa Purok Progreso, Barangay Taculing, Bacolod City alas-3:35 kaina sang kaagahon.
Ang subject ang ginkilala nga si Kim Kaye Senoro alyas Kim, 38 anyos, single, wala sang trabaho kah residente sa nasambitan nga lugar.
Sa operasyon sang City Drug Enforcement Unit sang Bacolod City Police Office (BCPO-CDEU), narecover kay Senoro ang walo ka heat-sealed kag isa ka knot-tied transparent plastic sachet sang suspect shabu nga ginabanta nagabug-at sang 58 gramos nga may standard drug price nga P394,400.
Ang suspect ang nakahunong na sa Bacolod Police Station 6 kag natalana nga mangatubang sang kaso sa paglapas sa Republic Act 9165 ukon Comprehensive Dangerous Drugs Act of 2002.
