Wala pa malubong ang mga bangkay nga nasapwan sa sa parking area sang First Farmers Holding Corporation sa Barangay Dos Hermanas, Talisay City, Negros Occidental.
Sa interview sang Bombo Radyo Bacolod kay Police Lt. Col. Alvin Christopher Baybayan, hepe sang Talisay City Police Station, ang duha ka mga bangkay ang wala pa malubong kag natalana nga ilubong sa madason nga semana kung wala sang pamilya nga ma-claim.
Suno kay Baybayan wala pa sang identity ang duha ka bangkay sang tawo nga nagakaagnas.
Suno diri ang ginalantaw nila nga motibo sa pagpatay sa duha amo ang pagpangawat sang inugbulang nga manok.
Samtang may yara naman sila sang natumod nga mga suspetsado kag natalana nga pasakaan sang kaso nga 2 counts of murder.
Suno kay Baybayan, natumod na nila ang duha nga pasakaan sang mga ini sang kaso samtang ang iban ang John Doe.
Suno diri, tatlo ka mga suspetsado ang ila nga pasakaan sang kaso.
Dugang pa sa hepe ang mga bangkay ang wala ginpatay sa ciudad sang Talisay kundi gintagbong lang sa nasambit nga lugar kun sa diin ang mga ini nagkalasapwan.
