Hugot nga ginapatuman sang alkalde sa ciudad sang Bacolod ang No Fixers policy sa ciudad sang Bacolod.
Sa press conference ni Bacolod City Mayor Greg Gasataya, nga sa umpisa pa lang ginpangabay na sini ang mga tag-iya sang mga business establishments nga indi na mag-agi sa mga fixers sa tion nga magproseso sang tanan nga kinahanglanon nga permits.
Suno kay Gasataya, dapat sa tion nga magproseso sang permits magderecho sa nagakaigo nga departamento kag ahensya sang gobyerno.
Suno sa alkalde dapat wala sang magtolerar sang kaangay nga practices nga nagakaapektuhan ang mga business establishment sa ciudad.
Suno diri kun pila ang nakabutang sa papel nga balayran amo lang ini ang dapat bayran bangud ang mga empleyado ang ginaswelduhan sang gobyerno.
Ang hugot nga pagpatuman sa nasambit nga polisa ang proteksyon man sa mga negosyante kasubong man indi matintar nga maghimo sang indi husto ang mga empleyado sang tagsa ka mga departamento.
