Naaprubahan na sang Sangguniang Panlungsod sang ciudad sang Bacolod ang masobra P14 million nga subsidy para sa mga Brgy kag buluthuan nga magapartisipar sa Masskara Street Dance and Arena Competition kag Electric Masskara.
Suno kay Bacolod City Councilor Jason Villarosa, chairperson sang Committtee on Tourism sa Sangguniang Panlungsod, may pito ka buluthuan nga magapartsipar sa Street Dance and Arena Competition nga ginalakipan sang Andres Bonifacio Elem School, Estefania Elem School, Asuncion Lizares Elem School, Pagalaum Village Elem School, Rizal Elem School, Education and Training Center School 1 kag Rodolfo A. Medel Sr Elem School.
Samtang ang participating Brgys naman amo ang Brgy 6, 7, 11, 13, 21, 29, 39, Bata, Handumanan, kag Tangub.
Ang Electric Masskara naman ginalakipan sang participants halin sa Brgy 2, 5, 12,17, 19, 32, 33, 34, Cabug, Granada, kag Mansilingan.
Ang mga buluthuan nga magapartisipar sa Street Dance and Arena Competition magabaton sang P500,000 nga subsidiya kada isa samtang ang mga Brgy naman ang magabaton sang P750,000 kag ang mga Brgy nga magapartisipar sa Electric Masskara magabaton sang P300,000 kada isa.
