Naestorya na sang fire marshal sang Bacolod City Fire Station ang tag-iya sang balay nga ginatudlo nga ginhalinan sang kalayo sa nagluntad nga sunog sa Barangay 27, Bacolod City.
Sa interview sang Bombo Radyo Bacolod kay Fire Superitendent Jenny Mae Masip, naestorya na sini si Fritz, ginklaro sa ila sang tag-iya nga wala sang kandila ukon ano man nga ginsidihan agud intensyonal nga sunugon ang ila kaugalingon nga balay.
Suno kay Masip, ang pahayag sang tag-iya ang nagsanto man sa ila inisyal nga imbestigasyon nga may yara sila sang narecover kag narecover ang extension wire.
Ginkumpirmar man ni Fritz nga naga-tap sila sang kuryennte sa ila kaingod nga balay.
Gin-athag man sini nga wala sila nag-away sang ila nga partner kag nagakatulog ang mga ini sang natabo ang sunog.
Naghingagaw ang mga ini sa pagpagwa sa ila balay sang nakabatyag nga nagahuot ang iya dughan bangud sa aso kag nakita na nga nagakasunog na ang second floor sang balay kun sa diin ini nagakatulog.
Ginkumpirmar man sang tag-iya sang balay nga wala sila nagarenta kundi ginapanag-iyahan gid nila ang balay.
