Former Congressman Arnie Teves, ginpahanugutan nga makapyansa sa isa sa mga murder case nga iya ginapangatubang

Ginpahanugutan na sang korte sa Manila nga makafile sang piyansa si former Negros Oriental Representative Arnolfo “Arnie” Teves Jr.

Apang indi pa ini mahilway bangud sa pila pa ka mga kaso sini.

Suno sa iya abogado nga si Atty. Ferdinand Topacio, ang 29-pages nga desisyon ni Judge Renato Enciso sang Manila Regional Trial Court Branch 12.

Nakabutang sa desisyon nga ginapabayad siya sang P120,000 nga balor sang piyansa.

Ang nasambit nga desisyon ang natuhoy sa kaso sang pagpatay kay Lester Bato, ang bodyguard sang nagapapili nga alkalde sang 2019.

Nagapabilin sa gihapon ang kaso sini natuhoy sa pagpatay kay Negros Oriental Governor Roel Degamo kag siyam ka iban pa sang 2023.