Wala nangin madinalag-on ang pagcompete ni Filipino pole vaulter EJ Obiena sa World Athletics Championships 2025 sa Japan.
Ang pole vault star yara sa karun sa ika-rank 7 sa bug-os nga kalibutan apang wala ini nangin madinalag-on nga makasulod sa finals matapos nga wala sini maclear ang 5.80 meters.
Na-pass sini ang 5.40 kag naclear ang 5.55 sa first attempt sa qualifiers sa Tokyo.
Apang ang olympian nga nagpauli sang silver sang 2023 kag bronze sang 2022 edition sa amo nga event, sa karun nabudlayan na sa mga nagsunod nga rounds.
Namiss sini ang duha ka attempt para maclear ang 5.70m kag nagpass sa ikatatlo sa paglaum nga maclear sini ang 5.75m.
Apang ang two-time Olympian wala man nangin madinalag-on sa lone try sa 5.7m.
Natapos ini sa ika-18 kag ika- 19 sa overall sang event.
Nakaligad nga semana nakuha ni Obiena ang bronze medal sa World Athletics Continental Tour matapos maclear ang 5.65m kag sa karun magafocus ini para sa Atletang Ayala World Pole Vault Challenge nga patigayonon sa Makati.
