Wala ginpaboran sang Office of the Prosecutor sang International Criminal Court (ICC) ang panibag-o nga request sang legal team ni former President Rodrigo Duterte para sa interim release sini
Sa ginsumiter nga sabat, ginsiling ni Deputy Prosecutor Mame Mandiaye Niang nga dapat ibasura ang hingyo sang kampo ni Ex-Pres. Duterte bangud nga wala nila ginakilala ang otoridad sang ICC.
Gintumod man ni Niang ang palahog nga pahayag ni Vice President Sara Duterte sa atubang sang supporters sang iya amay sa The Hague, Netherlands angot sa posible nga pagbulig sini sa pagpalagyo sang anay Presidente. Suno sa iya, makabig ini nga alarming ilabi na nga naghalin ang pahayag sa isa ka opisyal sang gobyerno.
Suno sa Prosecution nga indi man nila pagpahanugotan ang ano man nga aplikasyon para sa “remote” nga pagtambong ni Ex-Duterte sa confirmation hearing nga una na nga gintalana nga hiwaton sa Setyembre 23 apang sang damlag lang, gin-postpone ini bangud nga “not fit to stand trial” ang anay opisyal.
