Nagapanawagan ang secretary general sang Alliance of Concerned Teachers-Bacolod and Negros Occidental chapter sang tingob nga saka sa sweldo sang tanan nga mga manunudlo.
Sa interview sang Bombo Radyo Bacolod kay Grace Abellar, ang ACT-Partylist ang nagduso nga mangin P50,000 ang sweldo sang mga manunudlo sa entry level samtang si Senator Risa Hontiveros naman ang nagduso sang P15,000 nga wage increase.
Suno kay Abellar kun magpatuman sang wage increase dapat tingob kag indi utay-utay.
Suno diri, ang gobyerno ang indi dapat magsettle for less bangud dako man ang role sang mga teachers sa paghulma sa mga kabataan kag sa nation building.
Dugang pa niya nga makapila na nga tranches nga sila ang wala nakabaton sang salary increase, gani dapat ihatag na sang tingob sa mga manunudlo.
