Ginkumpirmar ni Bacolod City Mayor Greg Gasataya nga ang duta nga ginatindugan sang mga balay nga nasunugan sa Brgy. 27, Bacolod City sang Biyernes sang kaagahon ang ginapanag-iyahan sang national governement sa idalom sang Philippine Alien Property Administration nga na-terminate sang 1951.
Ang duta ang may kalaparon nga 7,787 square meters.
Suno kay Bacolod City Mayor Greg Gasataya, may yara sila sang nakuha nga kopya sang titulo sang duta kag ang ginaubra sa karun ginapungkuan sang Local Government Unit kaupod ang City Councilors, Barangay Officials kag mga pumuluyo sang Barangay 27 agud mahibaluan kun ano ang maayo nga himuon.
Suno kay Gasataya, ginaubra nila ang tanan agud nga madonate na sa Bacolod City ang duta.
Sa karun wala pa sang final decision kun sa diin bala magatinir ang mga evacuees gani nagapabilin ang mga ini sa Apolinario Mabini Elementary School.
Samtang gin-athag sang alkalde nga wala ini magpagwa sang statement nga ang mga residente ang indi na makabalik sa Barangay 27.
Suno kay Gasataya, likawan na ang pagpalapta sang sala nga impormasyon bangud wala ini sang maayo nga madulot sa mga nasunugan.
