Ginlunsyar na subong nga adlaw ang Handog ng Bombo Radyo at Star FM sa Masskara Festival: Concierto sa Plaza, showdown of finest local bands in Bacolod and Negros Occidental.
Ang programa ang patigayunon sa Bacolod City Public Plaza sa Oktobre 15 sang gab-i.
Ginapanawagan sa mga local bands nga magpartisipar ukon magpasakop, bangod sumugod subong nga adlaw, nag-umpisa na ang pagbaton sang appliction.
Ang mga banda nga makapartisipar ang kinahanglan may-ara sang minimum nga apat (4) ka miyembro kag maximum nga napulo (10) ka miyembro.
Magpadulong lamang sa Bombo Radyo Bacolod ukon Star FM stations agud makaparehistro samtang ang screening ang patigayunon sa Setyembre 25.
Sa screening, indi na kinahanglan magdala sang equipments, sa baylo kinahanglan lamang magdala sang flash drive nga naga-unod sang performance bangod ini ang pagabasihan sang judges sa pagpili sang partisipante.
Ang desisyon ang ipagwa naman sa kasunod nga duha ka adlaw ukon sa Setyembre 29.
Anom lamang ka banda ang mahatagan sang tyansa nga magperform sa Oktobre 15, kun sa diin ang 1st price winner ukon Champion ang makapauli sang P30,000 cash, ang 2nd runners up ang makabatun sang P20,000 kag ang 3rd runners up ang magabatun sang P10,000.
Ang tatlo ka mabilin ang makabatun man sang consolation prizes nga P5,000.
Magluwas sa mga banda nga magaperform, masaksihan man ang special performance sang mga cast sang Toyang Ermitanya kasubong man nga magahatag sang performance ang Star FM DJs.
Ang programa ang Free Concert – Free T-shirt man, kun sa diin may mga ipanghatag nga mga tshirts sa mga tumalan-aw.
Wala man sang kahangawa sa posibilidad sang pag-ulan bangod ang Bacolod Gugma Foundation ang magaplastar man sang canopy sa area.
