Gincite in contempt si former Bulacan 1st District Engineer Henry Alcantara bangod sa gina-alegar pagbinutig sini nga siya wala sang nahibal-an tuhoy sa insertions kag ghost flood control projects.
Sa Senate Blue Ribbon Committee hearing, ginpahayag ni Alcantara nga tanan nga mga pamangkot kay anay Engr Brice Hernandez, former officer in charge sang Office of the Assistant District Engineer sang Bulacan 1st District ang ginahaboy lamang sa iya.
Panindugan sini nga sila ang nagapadala lamang sang wishlist sa Department of Public Works and Highways (DPWH) Central Office sang mga luyag nga proyekto.
Apang suno diri siya ang wala sang nahibaluan nga insertions sa budget, bangod ang iya lebel ang tuhoy sa yara sa National Expenditure Program lamang.
Apang ginpahanumdom sa iya nga may dokumento nga ginsumiter si Navotas Congressman Toby Tiangco tuhoy sa madamo nga insertions sa Mindoro kag Bulacan.// Dugang pa ni Alcantara nga siya ang wala man sang ihibalo tuhoy sa ghost projects.
Ginapamangkot man sa iya ni Senator raffy Tulfo kun paano nga wala sini nahibaluan kun ngaa hinali naghabok ang ila pondo.
Bangod sa nakita nga pagbinutig, gincite in contempt si Alcantara.
