12 ka Local Government Units sa probinsya sang Negros Occidental ang naapektuhan sang pagbaha bangud sa pag-ulan nga dala sang Bagyo Opong.
Ini ang ginalakipan sang 58 ka Barangay, 8132 ka pamilya ukon 31,838 ka indibidwal.
468 ka pamilya ukon 1644 ka indibidwal ang yara sa sulod sang evacuation center.
Sa banwa sang Hinobaan, Isabela kag Pontevedra ang may apat ka Barangay nga ginbaha bangud sa Bagyo, apat man sa Silay City; anum sa banwa sang EB Magalona; napulo sa Talisay City, napulo man sa banwa sang Hinigaran, 12 sa banwa sang Binalbagan, duha sa Bago City; duha sa banwa sang La Castellana; isa sa banwa sang Manapla, kag duha sa ciudad sang La Carlota.
Sa interview sang Bombo Radyo Bacolod kay Negros Occidental Provincial Disaster Reduction Management Office Head Irene Bel Ploteña, as of alas 5:00 ang takna sa hapon, kahapon ang probinsya ang nakaeksperyensya nalang sang light to moderate rains kag nagamat amat na subside ang tubig-baha.
Suno kay Ploteña, magluwas sa mga LGUs nga nagreport sang pagbaha may yara man sang recorded nga landslide sa Sipalay kag mud flow sa banwa sang La Castellana particular na sa Ibid Creek.
Dugang pa sini may yara sang tatlo ka partially damage nga mga balay.
