Ginpahayag ni Vice President Sara Duterte nga nakabaton siya sang impormasyon nga ang iya amay nga si anay Presidente Rodrigo Duterte, ang nakit-an nga ‘unconscious’ sa salog sang iya detention room sa The Hague, Netherlands.
Suno kay VP Duterte, nakabaton ang pamilya sang impormasyon halin sa hospital nga kinahanglan ipaidalom sa laboratory test ang anay presidente matapos nakit an nga ‘unconscious’.
Dugang pa sang bata nga Duterte nga wala ginpahibalo ang pamilya angot sa natabo kag wala man sang paathag nga karon makabig maka alarma tungod nakwestyon ang kapasidad sang International Criminal Court (ICC) nga i-garantiya ang seguridad sang anay Presidente.
Madumduman, una ginreklamo ni VP Duterte ang pagbisita sang mga opisyal sang Pilipinas sa iya amay nga gin alegar nagbutang sa alang-alang nga sitwasyon sa sitwasyon subong sang anay presidente.
Samtang ,dismayado man ang bise presidente angot sa pag-asikaso sa ikaayong lawas sang iya amay nga si anay Presidente Rodrigo Duterte sa International Criminal Court (ICC).
Suno sa iya, apisar ang basic care indi pa mahatag sa anay presidente kag indi pa mahatagan sang maga-upod sa iya hiligdaan sa sulod sang 24 hours.
Nagapanawagan siya sa ICC nga hatagan sang lihok agud masiguro nga mahatagan sang proper care ang anay presidente kag sang nagakadapat nga humanitarian consideration.
){kind=link}