-- ADVERTISEMENT --
Natalana nga mapadulong ang District Engineer sang 5th Engineering District sang Negros Occidental sa National Bureau of Investigation (NBI) kasunod sa pagpadala sa iya sang subpoena angot sa flood control projects.
Madumduman nga kalakip sa ginpadal-an sang subpoena ang District Engineer sa District Engineering Office 2, 3 kag 5 sa Negros Occidental.
Suno kay Engr Juan Alfonso Jorbina Sr, nakabaton siya sang subpoena sang Biyernes kag natalana siya nga mapadulong sa NBI sini nga semana.
Suno diri, wala siya nagapamalabag sa imbestigasyon sang NBI kag dako ang pagpati sini nga wala sang ghost project sa 5th district nga iya man personal nga gin-athag sa Department of Public Works and Highways – Negros Island Region (DPWH-NIR).
