Nagchampion ang Italian team sa bag-o lang natapos nga 2025 FIVB Volleyball Men’s World Championship tournament matapos ginlutos ang team sang Bulgaria.
Ang nagchampion nga team ang ginpangunahan nanday Italian volleyball stars nga sanday Simone Giannelli, Alessandro Michieletto, kag Yuri Romano, kag ini na ang ila ika-apat nga tuig nga pagbisita sa Pilipinas nga nakapauli sang gold medal.
Sa pagdaog sa 2025 FIVB Volleyball Men’s World Championship, ang Italian team ang may-ara na sang back-to-back titles.
Sa ikaduha nga beses si Giannelli ang ginpasidunggan nga Best Setter sang tournament samtang si Michieletto ang ginkilala nga Most Valuable Player (MVP), samtang si Romano ang gindeklarar naman nga Best Opposite.
Nagpabutyag sang ila pagpasalamat ang Italian trio sa mga Filipino fans bilang katapusan nga pagpanamyaw matapos ang 16 ka adlaw nga pag-host sang Pilipinas sa torneyo.
Sa sulod sang apat ka tuig, ang madamo man sang mga Pilipino nga nagpakita sang mapag-on nga suporta sa grupo, nga makabig handumanan sang grupo sang ila pagpanikasog.
