3 ka estudyante, patay matapos magcollapse ang buluthuan sa Indonesia

Patay ang tatlo ka mga estudyante matapos magcollapse ang isa ka buluthuan sa Indonesia.

Suno kay National Search and Rescue Agency head Mohammad Syafii, madamo sang iban pa nga missing sa insidente nga nagluntad sa Islamic boarding school sa East Java province.

Halos 40 ka mga persona naman ang natrap sa sulod sang nagcollapse nga building gani nagapadayon ang ginahimo nga rescue sang mga otoridad.

Kapin 11 ka mga persona ang narescue samtang 91 ka iban pa ang madasig nga nakagwa sa building.

Gindala naman sa ospital ang pila sa mga pilason nga biktima.

Nagapadayon sa karun ang imbetigasyon sang mga otoridad kun ngaa nagcollapse ang nasambit nga building.