Masobra man sa isa ka libo nga mga tawo ang nagpadulong sa Bacolod City Public Plaza para sa grand opening sang Masskara Festival 2025.
Ini ang ginpangunahan nanday Bacolod City Councilors Israel Salanga, Em Ang, Lady Gles Gonzales Pallen kag Atty Caesar Distrito.
Naghatag man ang mga ini sang malip-ot nga mensahe sa pagbukas sang selebrasyon sang kapiyestahan.
May mga artista kag banda man nga nagtukar agud nga malingaw ang mga tumalan-aw sa plaza.
Padayon man ang paglibot sang mga otoridad agud nga masiguro ang kalinong kag katawhay sang grand opening sang Masskara Festival 2025 sa Bacolod Public Plaza.
Suno kay Police Captain Francis Depasucat, station commander sang Bacolod Police Station 1, wala man sila sang narecord nga mga untoward incidents.
Suno kay Depasucat ang pagdala sang backpack ang case to case basis kun pasugtan.
Dugang pa sini nga wala man sila sang recorded nga may nagdala sang mga patalum sa festival site.
Ang mga ginabaligya nga ilimnon ang in-can tanan kag ang mga stick sang Barbeque ang wala na sang taliwis.
Matawhay man ang sitwasyon sa pihak nga madamo ang tawo sa Bacolod City Public Plaza.
Nagdangat sa 1,500 ka mga tawo ang naglantaw sang grand opening sang Masskara Festival 2025.
