Deliberasyon kag sponsorship sa mga government agencies para sa 2026 national budget, natapos na

Gintapos na sang House of Representatives ang deliberasyon kag sponsorshop sang nagkalain-lain nga ahensya sang gobyerno para sa 2026 national budget.

Pasado alas 12:00 sang tungang-gab-i na kaina natapos kag ulihi nga ginpatigayon ang deliberasyon para sa pondo sang special purpose fund ukon budget sang Lumpsum fund sang 2026.

May yara sang kabug-usan nga P6.793-trillion ang national budget proposal para sa 2026.

Madumduman nga sang Setyembre 22, nagsugod ang deliberasyon sang budget proposal sang nagkalain-lain nga ahensya.

Sa maabot nga Oktubre 10, gintalana ang period of amendments sang House Bill 4058 ukon ang 2026 General Approprations Bill.

Target sang Kamara nga mapasar sang third kag final reading ang GAB sa Oktubre 13.