Nagakahangawa sa karun ang pila ka mga residente sa Daanbantayan, Cebu sa ila kaluwasan matapos natukiban ang indi magnubo 15 ka mga sinkholes matapos ang pagtay-og sang magnitude 6.9 nga linog sang Martes.
Sa Sitio Mayjo, Barangay Paypay, nadiskubrehan ang isa ka four-meter-deep sinkhole kag ang isa ang nasiplatan malapit sa baybayon.
Suno sa United Nations Office for Disaster Risk Reduction, ang sinkholes ang mga depressions ukon mga buho sa duta nga gintuga sang dissolution, pag-collapse ukon erosion sang bato sa idalum sang land surface.
Suno sa mga otoridad sa Daanbantayan, indi safe nga magpuyo malapit sa sinkholes.
Magluwas diri, nakatuga man ang linog sang halit sa mga pamalay, municipal hall, mga taytay kag isa ka simbahan sa Daanbantayan.
