Makapalain para sa Senado kun untaton prematurely ang Senate hearing bangod sa mata sang tawo magagwa nga ini ang gin-untat agud protektahan si former House Speaker Martin Romualdez kag Congressman Zaldy Co.
Ini ang reaksyon ni political analyst Atty Jomax Ortiz matapos naggwa ang balita nga wala na sang sunod nga patigayunon nga Senate hearing angod sa flood control projects anomalies, sa baylo magapagwa na lamang ang Senado sang ila resolusyon.
Sa interview sang Bombo Radyo Bacolod kay Ortiz, magwa nga daw sarswela ukon drama lamang ang Senate hearing kun ini ang untaton prematurely.
Ini bangod sa ulihi nga mga hearings, naggwa ang pangalan ni Romualdez kag Co nga ginadul-ongan sang pila ka maleta sang kwarta sa ila nga mga propedad.
Indi pwede suno sa abogado nga ang pasakaan lamang sang kaso amo sanday former Senate Presidente Chiz Escudero, Senators Jinggoy Estrada, Joel Villanueva, former Senators Bong Revilla kag Nancy Binay.
Apang sang naggwa na ang pangalan ni Romualdez, nga ginalantaw mastermind sang kurapsyon, hinali na lamang gintapos ang Senate hearing.
Suno diri, nagagwa nga talawit ang mga Senador partikular na si Senate President Tito Sotto kag Senate Blue Ribbon chairperson Ping Lacson.
Magagwa man nga sila ang may pinilian kag ginalagas lamang ang mga involved sa kurapsyon nga pro-Duterte.
Panindugan ni Ortiz nga dapat ipakita sang Senado nga patas ang ila imbestigasyon kag tapuson ang imbestigasyon sa pagpapanabat sang tanan nga imbulbado.
Suno diri, guba na sa karun ang House of Representatives, kag mahimo nga maguba man ang Senado kun makita nga may selective justice.
Dugang pa sini nga kun ginatabunan ang involvement ni Romualdez sa kurapsyon, ang mga Senador ang makabig man nga conspirator.
