Gindala sa ospital ang mag-asawa matapos nga mapaso sa nagluntad nga sunog sa Purok Pine Tree, Barangay Bata, Bacolod City subong nga kaagahon.
Sa interview sang Bombo Radyo Bacolod kay Punong Barangay Remus Abaring sang Barangay Bata, Bacolod City, sa inisyal sini nga impormasyon nga nakuha sini may duha ka mga balay ang nasunog.
Ang isa ka balay ang naupos gid samtang ang isa naubos sunog ang sa sulod samtang ang sa gwa sini ang intact pa bangud napalibutan ini sang sin.
Suno kay Abaring, wala pagid ini nakahibalo kun ano ang ginhalinan sang kalayo nga gintunaan sang sunog.
Nagapasalamat na lamang ang Punong Barangay nga wala sang pumuluyo nga nasamaran ukon nangin casualty sa nagluntad nga sunog.
May mag-asawa nga gindala sa ospital matapos nga mapaso ang abaga samtang ang bata sang mga ini ang nahingagaw man kuha sang ila himata gani hilway ini.
Ang sunog ang nagluntad alas 3:30 ang takna sang kaagahon kag madasig man nga nagresponde ang mga bombero.
Nadeklarar nga fire out alas 4:00 ang takna subong nga kaagahon.
Sa karun padayon pa ang imbestigasyon sang katapo Bacolod City Fire Station agud nga matumod ang ginhalinan sang kalayo kag damage sa nagluntad nga sunog.
Panugyan sini sa tanan nga mag-aligmat agud nga malikawan ang kaangay nga insidente.
