Ginpahayag sang National Disaster Risk Reduction and Management Council nga 70,575 ka pamilya ukon 225,557 ka mga indibidwal ang naapektuhan sang Severe Tropical Storm Paolo.
Kabug-usan nga 3,940 ka pamilya ukon 11,964 ka indibidwal ang nagtinir sa 284 ka mga evacuation centers samtang 2,997 ka pamilya ukon 8,585 ka indibidwal ang nagtinir sa ila mga himata.
Wala naman sang fatalities, injuries ukon missing nga nareport.
Samtang, 98 ka road sections kag 34 ka mga taytay ang naapektuhan sang bagyo.
27 ka road sections kag 32 ka mga taytay ang nagapabilin nga indi malabayan as of Domingo sang aga.
Wala naman sang kuryente sa 53 ka mga ciudad kag munisipalidad.
23 ka mga areas ang nabalik na ang power supply.
16 ka mga seaports ang naapektuhan sang bagyo nga nagresulta sa pagkanselar sang trips kag sa karun duha na ang operational.
