Nagpalab-ot sang pagpangamuyo si Pope Leo XIV sa mga biktima sang makamamatay nga linog sa probinsya sang Cebu.
Ginpabutyag sang Santo Papa ang iya closeness sa Pilipinas ilabi na sa mga biktima sang linog sa Cebu, antes nagpangamuyo sang Angelus sang Domingo matapos ang misa sa St. Peter’s Square bilang selebrasyon sang Jubilee of Migrants and Missionaries.
Sa iya mensahe, ginpahayag sini nga sang Setyembre 30 sang gab-i, may yara sang linog nga nagluntad sa Pilipinas ilabi na sa probinsya sang Cebu.
Gani siya ang nagapangamuyo sa mga naga-eksperyensya sa karun sang mga konsekwensya sang linog.
Suno kay Pope Leo, dapat magpabilin nga naga-isa sa solidarity kag pagsalig sa Ginoo.
Madumduman nga indi magnubo sa 72 ka mga persona ang nadulaan sang kabuhi matapos ang pagtay-og sang magnitude 6.9 nga linog sa Cebu.
