Patay ang isa ka anay Punong Barangay sa banwa sang Calatrava, Negros Occidental sang ini ang gintiro sang duha ka wala makilal-an nga persona sa Sitio Tunga, Brgy Patun-an, Calatrava, Negros Occidental, kahapon sang hapon.
Ginkilala ang biktima nga si alyas Alexander, 63 anyos, anay Punong Barangay sang nasambit nga Barangay.
Sa inisyal nga imbestigasyon, ang biktima ang nagasakay sa iya nga motorsiklo kag papauli kuntani sa ila balay sang hinali na lamang nga gintiro sang duha ka wala makilala nga persona.
Ang biktima ang nakaangkon sang pilas sa nawala nga kilid nga gindala pa sa Calatrava District hospital apang gindeklarar nga dead on arrival.
Sa karun padayon pa ang hot pursuit operation sang Calatrava Municipal Police Station sa nagpalagyo nga mga suspetsado.
